Pam ein dewis ni?
Mae Maethu Cymru yn wahanol i asiantaethau maethu eraill. Rydyn ni bob amser yn canolbwyntio ar bobl, dim elw.
Ni yw’r rhwydwaith cenedlaethol o wasanaethau maethu Awdurdodau Lleol yng Nghymru. Mae ein tîm wedi ymrwymo i weithio gyda gofalwyr maeth i greu bywydau gwell i blant lleol. Dyma ein brwdfrydedd a’n pwrpas ni.
ein cenhadaeth
Mae yna blant o bob oed ar hyd a lled Cymru sydd ein hangen ni ac eich angen chi.
Mae gan bob plentyn orffennol gwahanol. Ein cenhadaeth yw creu dyfodol mwy disglair i blant Ynys Môn.
ein cefnogaeth
Rydyn ni’n eich cefnogi chi a’r plant yn ein gofal, ar lefel leol.
Rydyn ni yma i gynnig ein harbenigedd pwrpasol, ein cyngor a’n hyfforddiant hanfodol 24 awr y dydd, 7 diwrnod yr wythnos. Mae gennyn ni gysylltiadau unigryw, ac rydyn ni wedi buddsoddi’n llwyr yn y gwaith o wneud y gorau i’n gofalwyr maeth ac i’r plant maen nhw’n gofalu amdanyn nhw.
ein ffyrdd o weithio
Mae cysylltu a chydweithio yn allweddol i’r hyn mae Maethu Cymru Ynys Môn yn ei wneud. Rydyn ni’n gweithio gyda’n gilydd i wneud gwahaniaeth go iawn i deuluoedd yn ein cymuned leol.
Mae pob plentyn yn unigryw, ac mae ein gofalwyr maeth i gyd yn unigryw hefyd. Rydyn ni’n eu helpu i fod y fersiwn gorau ohonyn nhw’u hunain drwy ddefnyddio eu talentau a’u helpu i dyfu.
eich dewis
Rydyn ni’n deall pwysigrwydd gwneud y dewis iawn i’ch teulu, felly rydyn ni yma i gynnig y gefnogaeth a’r wybodaeth sydd eu hangen arnoch chi er mwyn gallu gwneud penderfyniad ar sail gwybodaeth.
Dewiswch Maethu Cymru a gweithio gyda phobl sy’n malio go iawn. Mae ein tîm yn llawn unigolion dwyieithog ymroddedig sydd wedi’u hyfforddi, sy’n byw yn yr ardal ac sy’n gwerthfawrogi realiti bywyd yn eich cymuned.
Cysylltwch â ni heddiw i gymryd y cam cyntaf tuag at eich taith faethu.
cysylltwch â ni heddiw
Cyngor Ynys Môn yw'r rheolwr data ar gyfer yr wybodaeth bersonol rydych chi'n ei darparu ar y ffurflen hon. Bydd eich gwybodaeth yn cael ei defnyddio wrth i ni arfer ein hawdurdod swyddogol ac ni chaiff ei defnyddio at unrhyw ddibenion eraill. Ni fyddwn yn rhannu'ch data ag unrhyw drydydd parti oni bai fod y gyfraith yn gofyn neu'n caniatáu i ni wneud hynny. Mae cyfraith diogelu data'n disgrifio'r sail gyfreithiol ar gyfer prosesu eich data yn ôl yr angen er mwyn cyflawni tasg gyhoeddus. Am fwy o wybodaeth am sut mae Cyngor Ynys Môn yn defnyddio'ch data personol, gan gynnwys eich hawliau fel testun data, gweler ein hysbysiad preifatrwydd.